مدرسه ده موعللیم گئنه دؤیدو  الیمدن                 باجار مادیم فارسی نی ایراد توتدو دیلیمدن

دئدیم : آغا موعللیم وورما، گؤینه دی الیم               نه دیر آخی گوناهیم توركو'دور منیم دیلیم

یاپیشدی قولاغیمدان دئدی: بوراخ توركو'نو               اوقالدی ائوینیزده ، اونوت گئتسین كؤكونو

اؤیره نمه سن آب- بابا آچاجاقسان الینی               كؤتك یئیه ندن سونرا ، اونودارسان دیلینی

سنین هاران تورك'دور؟ آذری'سن ، آذری               كیم اؤیره دیب دیر سنه، بئله یانلیش سؤزلری

آخدی گؤزومون یاشی، تیتره دی دیل- دوداغیم        بئله یالان سؤزلره، اینانمادی قولاغیم

آنام منی اویدورماز، آتام منی آللاتماز                    بو سؤزلرین هئچ بیری منیم عاقلیما باتماز

لایلای دئییبدیر آنام، منه بئشیکده تورکو                 دانیشمیشیق هامیمیز ، ائوده - ائشیکده تورکو

نه دن گرک یازمیاق دیلیمیزی کیتابا ؟                   مدرسه ده نه اوچون گلمیئک بیز حسابا ؟

یقین كؤتك یئمزدیم اوخوسایدیم دیلیمی                گؤینه رتیدن سیخمازدیم  قولتوغوما الیمی

قوی بؤ یویوم بیر اؤزوم اولاجاغام موعللیم                اوندا چوخ ایش گؤره جك  بو گون گؤینه ین الیم

كیلاسیمدان گله جك  ائلیمیزین اؤز سسی            اولاجاقدیر او زامان  تورك'ون ده مدرسه سی

قوشمالار وبلاگیندان

اصل 15 قانون اساسی : ................  استفاده از زبان هاي محلي و قومي در مطبوعات و رسانه ‏هاي گروهي و تدريس ادبيات آنها در مدارس ، در كنار زبان فارسي آزاد است.